Tumhari Baatein

Utar aya chaand chatt pe

Kuch yu huin mulakatein

Jarur seher ne ki hai

Aj Uski baatein

Mujhe mujhme milti hain

Chupke se 

Jane kabse rakhin

kiski kiski baatein 

Kaha se uthi hai jo

Kaha tak ko jayengi 

Meri baatein

Ab Uski baatein 

Rakha hai maine 

Takhat pe sambhaal ke

Kajal ki dibbi main

Sari uski baatein

Aur pass pada hai 

Kora sa khat uska

Likhi hai tamaam jisme 

Usne Iski uski baatein

Kal ko laut hi aya voh 

Toh kya yaad rahenge 

Dil ko jo abhi teesti hai

Sab Uski baatein

Main toh nahi karta zikr

Majburan 

Par tum toh karo  

Aag agar honth hai uske 

Toh samundar hai 

Jiski baatein 

Chalo usi gali jayein "Tamas"

Od hawa ki silvatein 

Raat bhi karti hai jaha

Raatbhar uski baatein 

Suno, ab jo kho chuka hu main tumhe

Tum bhi mujhe sambhaal ke rakhna band karna

Baato ko meri purane kagazon pe likh

Kitabo main chupana band karna 

Ab main nahi mehkta tumhare itra sa 

Tuti seeshiyo main mera ehsaas jagana band karna

Raat ko jara sa tod asmaano se

Fir tum zulfo main phool sa lagana band karna

Fir vahi chai, ek cigarette ki kash leke meri

Varande main baith kar

Pili dhoop ki baatey batana band karna

Yeh kehna ki chatt se utarti chameli ki latt

Khilti nahi pehle jaise 

Gulaabo ke najdeek ja kar

Unhe apne hotho ka rang de jana band karna

Meri diary ke har panne main simti hui

Tum mera har sher ban jana band karna

Tumhari gali ke akhir ka taalaab

Jaha hum jhuti kashtiya banate the  

Es baar ki baarish ban kar

Mujhe yuhi bheegana band karna

Suno, ab jo kho chuka hu main tumhe 

Mujhe har bar mujhme mil jana band karna




Youtube Link